上星期六閒來無事，我地走左去沙田科學園逛，雖然剛剛掛左三號風球，但個天仲有d陽光.....科學園成個範圍都幾大，d建築物大部份都係玻璃幕牆，望落去好現代化，周圍都有綠色植物，人少幾清靜，個感覺幾舒服~
我地先去醫肚，搵左間酒樓叫囍慶，兩條友無無聊聊去飲茶~
叫左幾個點心.....叉燒腸
濃湯山珍菌泡牛肉球，味道一般啦~
脆米芋茸酥，普普通通~
蝦餃皇，睇點心紙時見係$10，以為咁平，黎到發覺原來係$10一粒....
呢堆野嘅賣相真係.....
其實係長方形嘅珍珠雞
古法干牛河，老爺話一間酒樓睇佢地嘅牛河做得好唔好就知呢間食店d野食有無水準....結果係我地剩左半碟無食.....
脆麻花，已經飽都仲係要點，老爺鍾意食，無計，因為似佢，蛋散一名~~
我地揀左"露天"位，呢道d野食一般，不過環境就幾舒服~
可以睇到玻璃屋頂
酒樓響二樓，望落去係一片樹海....
其實係一樓嘅長廊種左兩排樹.....如果唔鍾意飲茶，一樓其實仲有一個food court，同其他食店，都算幾多選擇~
食完野都三點幾，見外面無落雨，個天氣仲ok，就出去四周逛下......
piggybread : 咦 ~ 唔錯喎 , 有間咁既野 ? 唔講都唔知添 . 有D似六本木果個 "國立新美術館" .
回覆刪除Bye Bye !
[版主回覆07/18/2009 23:03:00]整體個feel係有幾分似六本木嫁，不過就無咁正嘅美術館同shopping mall 囉~
間酒樓似乎好唔得喎！
回覆刪除[版主回覆07/18/2009 23:03:00]係呀，真係麻麻地，不過環境就幾好~
十元一粒蝦餃又真是幾誇張, 看上去又不覺得很大粒, 不過也有好處, 可以只叫一粒試試
回覆刪除[版主回覆07/18/2009 23:05:00]呢間酒樓好多點心都係咁，不過十蚊得一粒真係幾貴囉~
'脆麻花，已經飽都仲係要點，老爺鍾意食，無計，因為似佢，蛋散一名~~'
回覆刪除你唔好咁衰啦! (唔好意思, 我笑咗出來)
[版主回覆07/18/2009 23:05:00]Heee....我都係講事實啫~~
我星期日早上也剛剛去完,間酒樓的點心普通,紅燒班腩雪藏貨魚肉又腥又實,點心咸菜朱肚湯$35元,得兩片朱肚,5個人盛惠約$700元超貴,不過環境相當好.
回覆刪除[版主回覆07/18/2009 23:08:00]歡迎光臨~ 我地兩個都食左二百幾，唔抵食囉，不過環境真係唔錯，好鍾意周圍都係透明玻璃，望到個天好舒服~~
看來你們都是比較愛吃日本菜多點!
回覆刪除[版主回覆07/20/2009 23:09:00]係呀，有得揀通常都會食日本野~