2月20日 星期五 (葉山溫泉 > 米沢 > 東京 > 新宿 > 東京)
話咁快個旅程已經去到第七日，只係剩返兩日就要返香港，都未離開東北就已經有好唔捨得嘅感覺~~
一朝早起身，望出去小庭園發覺鋪滿晒雪~
第一個節目當然係先浸浸個私家藏王石風呂先啦~
舒舒服服咁欣賞下寧靜嘅雪景~~
之後就去食早餐....
而呢一餐早餐絕對係今個旅程入面最豪華最豐富嘅早餐~~
依然係響尋晚食晚飯嗰間獨立房~
好詳盡嘅menu，不過唔知寫咩.....
前菜拼盤
呢個野菜豆腐沙律真係好好味~~
有兩款dressing~
牛奶紙火鍋
牛奶湯底好好味呀~
甜蛋
當然唔小得最好味嘅牛奶, yummy!!!
開牛奶有特別嘅工具....就咁將枝針插入去個紙蓋....
用力一橇就攪掂~
呢個咁精緻嘅擺設係咩呢?
原來係我摯愛嘅漬物~~
有漬物當然有白飯啦....個飯煲好可愛呀~~
唔好以為上面張相底下嗰兩隻免仔碗係用黎盛白飯喎，盛白飯係用另外兩隻特別挑選嘅碗嫁....
個女侍準備左四隻唔同款式嘅碗俾我地揀.....下面呢隻係老爺揀嘅，有隻免仔爬左響隻碗旁邊嫁~~
我揀嘅就比較藝術化一點，似我，有美感呀~~
茄子豆腐
清淡嘅湯
仲有生果
又係飯後一杯茶嘅時間
連個牙籤座都好cutie~~
我好鍾意影佢地d小盆栽擺設~
呢一餐係今個旅程最後一餐響溫泉旅館入面提供嘅朝食，真係好好味，而且絕對係飽到捧住個肚呀~~
食飽就返入房執野，攪掂後見仲有d時間剩梗係再浸多次溫泉啦，係今次旅程最後一次浸浴喇......
我地個個都好唔捨得呀~~~
不過幾唔捨得都要離開....呢一間咁正嘅溫泉旅館，無論食、住、service等各方面都令我地好滿意....當然凡事都要有代價嘅
，埋單唔該盛惠51,750yen~~
....當然凡事都要有代價嘅，埋單唔該盛惠51,750yen~~
旅館特別安排左九點鐘專車送我地去JR車站....臨走前又有糖果送俾我地~
Bye-bye 啦，橋本屋，希望將來有機會再來見面啦~~~
嘩,好正呀個早餐,仲要有冰鎮牛奶!! 想問阿................
回覆刪除熊仔 : 到我,到我,[亞不]呀論到我喇, PIGGYBREAD姐姐妳隻BEAR BEAR好靚呀 ,紫色好浪漫呀!!
[版主回覆07/13/2009 22:55:00]To 熊仔︰我隻紫bear bear係女仔黎嫁，相貌品性都ok嫁....老老實實，你今次響九州有無艷遇先，如果無我就同亞不雙量一下幫你地兩個做個主...或者兩個bears拖下手仔先好無?
日本的牛奶真的很特別好喝 這個早餐真是正到暈!!
回覆刪除[版主回覆07/13/2009 22:49:00]而家諗返起都仲回味無窮呀~~
咁正嘅服務，貴D都抵！
回覆刪除[版主回覆07/13/2009 22:48:00]Hee...人一世物一世嘛....
朝食? 朝食? 居然係朝食!!!!!!!!!
回覆刪除朝食都咁細緻, 真係唔想走
係日本朝食覺得飲翻啖牛奶特別醒神, 多多都願飲 , 香港no la, 高鈣低脂都少飲~
[版主回覆07/13/2009 22:47:00]嗰朝其實真係有一剎那唔想咁早走索性唔去米沢嫁，不過最後都係理智戰勝感情....
高鈣低脂? 響香港我直情係只敢飲脫脂啦，所以每次去日本都乘機豁出去飲個夠~~
嗰早餐真係好正, 好豐富! 至於價錢, 又真係幾甘, 不過人一世物一世......... 牛奶, 我最最最鍾意的牛奶
回覆刪除[版主回覆07/13/2009 22:41:00]人一世物一世呢句話簡直係我做人嘅座右銘，不過就成日俾人鬧話我都係借意一路揸住呢個宗旨去亂駛錢.....
這個早餐直情正過很多晚餐, 只看見照片都流口水
回覆刪除[版主回覆07/16/2009 22:49:00]係呀，真係好正，回味無窮呀~~
piggybread : 早餐都咁正 , 果兩支鮮奶仲正 , 樽裝奶幾時都好飲過紙盒裝 , 話時話 , 我依家都參考緊 "北海道" 既行程 , 早就早D , (快則明年中) 睇過妳版面個 "札幌" 天氣 , "香港" 大暑天時 , 佢都係18度 , 真係四季如春 , 仲有好多野要考慮 , 例如去唔去 "函館" , 好似好遠兼JR好貴 , 妳認為值唔值得去 ? 睇過妳上次果Part , 渚亭 ~ 果間酒店 , 係咪真係有鬼架 ? (同埋大風雪真係好黑仔呀)
回覆刪除Bye Bye !
[版主回覆07/16/2009 22:58:00]係咪又去北海道呀? 函館梗係值得去啦，個函館山嘅夜景真係幾靚嫁，金森倉庫好多野買，xx坂好歐陸色彩，最主要係嗰度d海膽超好味道!!! 諗起都好想食....
渚亭其實應該無野嘅.....我諗係我發惡夢啫，呢間旅館ok嫁，價錢未至於好貴，你睇我地兩次去函館都係揀呢間就知啦.....快d plan 啦，我一聽見人話去北海道就好雀躍~~
熊仔 : piggybread 姐姐,我無識過bear bear女架,今次係第一次 ,我嘅女性朋友得亞不同得意妹咋,而[亞不]都好贊成我呀!!
回覆刪除得意妹 : 我唔贊成!!
搞咩呀得意妹,難得佢地情投意合,你妒忌呀??
得意妹 : 唔係呀,[亞不]你睇下張相先啦,紫bear bear 已經有仔喇,仲好高大威猛㖭!!
作死你咩咁大聲,熊仔聽到咁點算呢???
熊仔 : 吓 ..................................
[版主回覆07/16/2009 23:04:00]紫bear bear︰隻熊寶寶唔係我男朋友呀，得意妹唔好毀我清譽啦，我係唔會隨便同男bear去外地玩嫁 ．．．．
熊寶寶︰有無攪錯！做咩話我高大威猛？！我係女仔黎嫁．．．．
睇完你的相片 , 橋本屋~ 得呀 , 好值得去
回覆刪除不過又要考慮等價交換這問題 ~ 好想去呀!!!!!
[版主回覆07/16/2009 23:10:00]係呀，所以一分錢一分貨呢句話係有道理....呢間旅館真係令人好滿意，下次去開山形真係要諗下，我諗豆豆都應該會好鍾意嫁....至於等價交換....Hee, 都係嗰句，人一世物一世嘛~~
piggybread : 照妳咁講 , "函館" 又真係幾值得去喎 , (雖然遠D , 車費貴D) , 仲有果個 "五稜郭" 公園添 , 一於編埋入行程啦 , Thanks 不過 ~ 畢竟都仲有成年咁滯 , 有排等 .
回覆刪除Bye Bye !
[版主回覆07/18/2009 23:15:00]Plan 得黎就啱嫁啦，淨係planning 已經好開心，函館一定要去嫁，d海膽係食過咁多地方之中最好味最鮮甜 ...買張pass就唔駛理佢有幾貴啦~~
得意妹快D過嚟同紫 BEAR BEAR & 熊寶寶,講對唔住呀!!
回覆刪除得意妹 : 係!! 兩位 MISS BEAR BEAR 對唔住!!
熊仔 : 真係失禮哂呀,兩位!! 得意妹就係咁蠢架喇,連男女都攪錯!!希望兩位原諒佢啦!!
熊仔 : 紫 BEAR BEAR 妳介唔介意同我做朋友呀???
[版主回覆07/18/2009 23:20:00]紫bear bear : 其實我都未識過男bear，我都好想同你做朋友 ....係咪拖手仔嗰d男女朋友先???
熊寶寶 : 咁我呢????? 唔制 ....我又要)))))))
我好想知你成個遊行用左幾多錢？住5晚溫泉都好貴wow！
回覆刪除[版主回覆01/31/2010 22:43:00]唔記得啦，大概幾皮野啦.....辛苦搵來自在駛嘛
我打算去東北12天，初預算4萬，但計計下，就知無可能，要5萬，可以去歐洲啦！
回覆刪除[版主回覆02/02/2010 22:49:00]去歐洲同去日本嘅感覺都唔同，唔緊要啦，豪小小啫，去浸下溫泉食下野睇下靚景好寫意嫁!!