早兩晚幫老爺慶祝生日,佢揀左都會海逸酒店入面嗰間千鶴日本料理,本來我提議入赤柱食,因為都好耐無入過去行下,不過佢唔鍾意赤柱D泊車位,最後都決定食日本野,其實我地兩個都真係好鍾意食日本菜~~~


店名叫千鶴,每位客人嘅座位上都放左一隻手摺小紙鶴~

我地點左一個梅盛合同一個鮑魚和牛鐵板燒定食,價錢唔平,不過D野食嘅質數真係唔錯,本來老爺仲想叫多個天婦羅,不過個waitress建議我地食到咁上下唔夠先再叫,好彩無叫,因為D份量都好夠,同埋下午嗰餐去左食魚生飯,到夜晚我其實都唔係咁肚餓~
呢個雜錦刺身都幾厚切,好新鮮! 帶子同甜蝦都非常鮮甜,金槍魚真係好爽口,三文魚幾肥美....食完呢個刺身我已經有D飽....

沙律,份量比較小左D

餐廳仲有做promotion喎,order 滿$300就可以$5 order 一件toro!.....雖然有小小筋,但真係好肥美,入口即溶呀!! $5一件,真係超抵食! 好想再食呀))))

漬物,my favourite~

鮑魚片好腍,正!! 鐵板燒牡丹蝦,yummy~~

蝦頭仲有好多膏同肉嫁!

鐵板鐃和牛 & 炒雜菜

和牛煎至五成熟 (但我覺得似七成多D),味幾濃,外邊有小小脆,雖然未至於入口即溶,但肉質都好鬆化,不過食多兩件就有D膩,早知要薄切.....旁邊嗰D粒粒係肥肉,個waitress suggest 我地用黎送飯食,嘩! 咪攪我,好油嫁,全部醒晒俾老爺...

炒飯都OK

湯只係一般面豉湯

餐廳間格都幾優雅,坐得都幾舒服~

牆上有好多鶴響度飛翔嫁

仲有大師傅響一邊做鐵板鐃

大家估下呢個係乜東東.....

開估~

最後上埋雪糕,我嘅柚子雪葩,香甜! 入面仲有好多柚子皮嫁~~

老爺嘅白桃雪葩,我食左一啖,桃味好香濃呀~

呢餐晚飯一D都唔平,不過就真係好好味,而且service一流,至於抵唔抵就見仁見至喇.....不過生日先一年一次,豪DD唔緊要啦~~
這間餐廳好像被米芝連評不錯, 因為我住紅磡附近, 所以比較留意這區的食店, 不過價錢好像太貴了一點!
回覆刪除[版主回覆05/04/2009 23:03:00]我地其實食野都無留意咩米芝連嫁,見到咩就食咩囉~
同你老爺說聲Happy birthday!! 做推廣$5一件拖羅真是很抵吃, 幾時請我們去食?
回覆刪除[版主回覆05/04/2009 23:01:00]你講野咩,點請得起你地! 而且你老公同個女都唔係咁食魚生啦~~