Lunch@富聲

今日老細中午時份又失驚無神走出黎話請食飯，本來話想去馬會Derby，因為今個月係佢生日有優惠，夠四個人就可減一個人頭錢，但佢後黎又話多人唔抵食，都係食中菜好，問我想食咩，咁有得揀就梗係揀食翅啦，最後揀左灣仔富聲，其實我想去馬會多D，好懷念嗰個鵝肝!!!

今次去富聲，最主要係食佢嗰個排骨翅，D翅嘅份量都OK，不過個湯好勁胡椒太搶味，唔係咁啱我，我都係鍾意利苑個乾撈翅多D，二百幾蚊一份翅! 要我自己俾錢一定no way~~

無帶DC，改用手機影，效果唔係咁好，所以係咁意影兩張做record算~~(提外話︰尋日借部mobile俾老細同佢個friend傾計，佢傾完之後竟然毫不客氣話做咩我部mobile咁鬼厚....真係佢老闆，你加D多人工俾我我咪即刻去換部i phone囉~)

下面呢個要$120一份，粒瑤柱都幾大粒....不過我地見到同係鵝掌但唔係瑤柱改吉品都係$188，但老細話對我地幾個女仔已經好奢侈，成日請我地食飯攪到我地鬼咁嘴刁，唔可以再縱容我地喎....真係俾佢吹脹~

兩個主菜我都覺得只係一般 (俾佢知道一定激死佢!)，反而我覺得個叉燒好好味，好腍同好軟熟，係全餐中最美味嘅!! 仲有個酥皮叉燒飽都唔錯，D酥皮幾鬆化幾香，馬拉糕都OK，略甜左D，其他點心就無咩特別~~

甜品我要左湯圓，幾得意，糖水有好多意米嫁，唔係太甜，唔錯~~

八個人無啦啦食個午餐要幾千銀，係我地個老細先會做得出....不過都要響度同佢講聲thank you啦~~